oferta do día carrefour:

quilo de orella a metade de

[prezo e

machada de agasallo en compras inferiores ao kapitall

[killer de microsoft

/a machada é boa para abrirnos en dous hemisferios e

[albiscarmos a latitude

para degustarmos cos poros os climas todos e

[(re)xurdirmos aos borbotóns

en suor de palabras / zume do esgotado /cerne do crebado
/na nación dos xordos non se admiten devolucións

para certos círculos financeiros do século XXI
amor a galiza é semicultismo
e dise amancio
/os farrapos dos poetas do século XXI remendaos o

[amor a galiza

mais o Inculto
e cántanos ao xeito vulgar que subxace incluso no confeti
do teatro garcia barbón a revoar no fume dun malboro
como cantan as costureiras para que os certos círculos

[financeiros cheguen a

semicultos
/saben os poetas dos teclados ergonomicos que coa

[machada esconxúrase a cegueira

aínda que ´so sexa no intre precedente á partida deica

[un retorno incerto

por eterno
por iso lles cantan aos farrapos do xeito como aprenden

[a rabiar

ao veren desprenderense as retinas das costureiras
e sentiren o esvaecer do canto nas plusvalías

a machada de síkex do castro da Cidá
para ceibarnos os miolos
/para espirnoso cranio e abranguermos a plenitude do

[monte

no derradeiro intre
/para partirnos de vez e derramarnos no chan todo

a machada é o ritual
para contarlle á terra o que somos
silandeiros
/para morrernos, si,
mais afogados no noso sangue

a machada de sílex
para asinarmos o Poema

n o
m e d u l i o
n o n s a b i a m o s
d o s s a m u r a is

Escrito por
Xabier Xil Xardón
[compañeiro, camarada e amigo]